一片綠油油的山丘,一間白色的小屋,窗外蔚藍的天空,聽著海浪的聲音,嘴邊哼著喜愛的旋律,屋內瀰漫著食物的香氣,加上一個等食的人,做就了一個夢寐以求--溫韾甜蜜的家....向著這個目標進發,首要的就是努力學習“弄食”,令自己喜愛的人充滿“口褔”!!!
14 August 2011
普普通通的椰汁西米露
炎炎夏日差點會中暑的日子,冰凍的甜點永遠都好受歡迎。夏天的日子每次經過糖水舖,都會見到人頭湧湧,每人面前都有款冰凍甜品,真係望見心都涼呀,嘻嘻!
在家這款港式甜品一向都很受歡迎,無論食的又抑或是煮的,因為實在很容易又慳時間,若果屋企有材料,真係諗到幾時食就幾時食呀!
西米不需清洗,煲滾水,倒入西米,邊倒邊攪,滾起用中小火煮約10mins,中間要不時攪拌避免黏埋一起,熄火蓋上蓋焗至透明約15mins,倒出用凍滾水沖開。
椰汁加牛奶加糖用小火煮至糖溶,放入雪櫃雪至凍,吃時倒入西米和喜歡的水果或雪糕一齊食感覺仲冰涼呢!
13 August 2011
煙肉蛋包
周末一早就起身,不要浪費早起的時間,所以即刻換衫落街做運動。一邊做一邊個肚就打鼓,個腦就即刻諗定返到屋企食咩早餐好。做過運動,個心就會諗可以食heavy野,以美味的食物來補充番失去的汗水啊....呵呵!
煙肉腸仔唔健康,但我偏偏就很好鍾意食,所以今天的早餐就是這個
~~ 煙肉蛋包~~
9 August 2011
慢烤三文魚柳
朋友煮過俾我同先生食,佢係用橄欖油浸住件三文魚放入焗爐度用慢火焗長時間,簡單黎講就係油浸烤三文魚,出來的效果唔單止唔油膩,仲好柔嫩好滑,魚肉剛剛熟,,入口即溶,好好食呀!
1. 首先將三文魚柳去皮兩面灑少許鹽醃一會,放入焗碟,橄欖油要浸過三文魚面,放入焗爐用100度 - 110度焗約40mins
2. 若油不夠蓋面,要中間翻面,令到上面的魚肉可以受熱,取出將魚稍為滴油
3. 放上碟,落少許black pepper及炸香的蒜粒,灑少許檸檬皮加汁即可享用!
8 August 2011
咖哩炒花甲
開Party買左四斤,煮的時候又覺得多左些,剩番一斤隔左一晚,變左兩口子的晚餐喇!
咖喱炒花甲原來好容易,首先燒紅個鑊落油落蒜頭辣椒落去爆香,緊住再落埋香芧,檸檬葉、金不換去炒,跟手落埋咖哩醬炒香就可以落花甲,花甲要炒至微微開蓋就落些少水,蓋鑊蓋至花甲全開口,最後加入適量的椰奶,炒兩炒就可以熄火上碟喇!
7 August 2011
Subscribe to:
Posts (Atom)