栗子蛋糕！！又係栗子蛋糕！！！
一個要好的同事兼上司牛一，梗係要送個蛋糕給她啦！知道她不嗜甜，所以之前已試探了她的口味，迫她想了很久，(我想她都知我的詭計吧！)，結果她選擇了"栗子蛋糕"，心想......又是栗子蛋糕，因為其實我做生日蛋糕的次數真的不多，十隻手指都計得出，但栗子蛋糕己做了兩次！想不到我認識的人當中，大家的口味都差不多，真是嗅味相投呀！
今次第一次試做圍邊的唧花，不出我所料，真的很強差人意！雖然事前己有心理準備，但仍是不服氣，唧完一圈之後，剷了又再唧過，加上天氣實在悶熱，打起的忌廉真的不容許我慢慢來試，最後唯有草草了事呢！(其實已熱到額頭滴汗呢！)
好彩今日同事看到後反而安慰我，(她真厚道兼滿有愛心呢！)，同事們吃了都說好味道，栗子蓉甜道剛剛好，當然啦，我幾經試味兼且顧及她們少甜的要求o麻！(太自滿喇 ^o^)
不過當你看到別人吃著自己的出品時的開心樣子，自己真的多辛苦都值得呀！
祝她生日快樂，身體健康！
材料：(7")
A. 蛋糕底 ~ (修改自kei師傅的食譜)
鮮奶 40g
salad oil 30g
糖 40g
低粉 100g
泡打粉 3g
蛋黃 4隻
vanilla ess little
蛋白 4隻
糖 70g
1. 將牛油紙鋪在蛋糕模的底部
2. 焗爐預熱200度
3. 將蛋黃及糖先攪勻，再加入菜油及橙汁拌勻
4. 加入已篩低粉及發粉，輕輕拌入
5. 將蛋白打至起泡，分次加入糖打至起身
6. 將1/3蛋白加入蛋黃糊中輕輕拌勻，然後將麵糊倒回餘下之2/3的蛋白中輕輕拌勻
7. 倒入蛋糕模內，焗30分鐘，焗起後，要立即脫模放涼，然後切成兩片備用
B. 栗子忌廉 ~
淡栗子蓉 250g
已打起的甜忌廉 250g
(若用淡忌廉，則需加入糖霜打發成甜忌廉，200g淡忌廉加50g糖霜)
1. 將栗子蓉加入已打起之甜忌廉拌勻備用，另外留大概80g的甜忌廉作裝飾用
蛋糕做法 ~
1. 放一片蛋糕片在最底，塗上薄薄一層甜忌廉，然後鋪上一層栗子忌廉
2. 在另一片蛋糕片上塗上一層甜忌廉，忌廉面向底放在栗子蓉上，輕輕壓實
3. 用抹刀將忌廉塗勻蛋糕面及圍邊
4. 用唧花咀唧上栗子忌廉和鋪上鮮果作裝飾，完成
後記 ~
- 做了三次這個蛋糕，抹平忌廉這一環真的好考功夫，小妹自問真的未合格！
- 今次試做圍邊的唧花，做成之後的感覺就是不如不做呢，因為手唔夠定，力度唔夠平均皆是我敗北的原因，而且今次的栗子蓉內有少許粒粒的栗子肉，致令唧花的時候會塞住個唧咀口，呢個問題下次再做都要特別留意！
- 我認為蛋糕片的份量可以多些或加多一層，但其實是我技術不好，片不到三片呢！
蛋糕做法參考自為食貓 ~ 栗子蛋糕
9 comments:
其實你已經做得很好啦
加上你的愛心，味道一定very good啦!
不知你有沒有發現我很少做cream cake呢?
一方面原因係屋企人唔鍾意
另一方面係我技巧太差
我又不思進取唔肯多試
所以整俾朋友多數都唔整cream cake，費時出醜呢
dear kelly,
多謝你呀！味道都唔錯架,呵呵呵！
嘻嘻,其實暫時冇人或事要你"的"起心肝去做,若果你要做既一定可以做得很好的！
dear titania,
你好呀,好歡迎你來呀！
係呀,唧花睇人做就好易,自己就...唉！嘻,淡味的栗子蓉咪好健康！係你整既,愛心搭夠啦！
作得不錯，
送禮最重要心意。
dear mabel,
你講得好好,但如果整得好些就更好喇！
eva,這個栗子蛋糕好靚呀~~我都好鍾意栗子忌廉蛋糕的~又香又軟
dear mui mui,
嘻嘻,謝謝你呀！
栗子蛋糕真的好香好好味呀！
請問淡栗子蓉是甚麼?
我試過把栗子壓成蓉, 做出來的淡栗子 cream 有明顯的一粒粒口感...
-__-"
~~J師奶,
有現成的栗子蓉賣的,在超級市場或烘焙材料店都有。
我這個是自己將栗子烚熟再壓成蓉的,可能你壓得不夠所以還剩下些栗子粒,你可以用blender攪拌便會細緻些,其實有少許粒粒更可以增加口感呢！
Post a Comment