又有Party開呀！

難得有日假期，便相約幾個同事一起開個小型派對！

今次的菜式差不多全交由一位廚藝精湛的男同事一手包辦！他由買料以至烹煮都一腳踢，我只是站在一旁遞上用具而從中偷師呢！雖然只是午餐，但卻豐富都不得了呀！等我介紹下先 ~~~

頭盤 ~ 凱撒沙律伴鮮露荀


主菜 A ~ 紅咖哩燒鴨煲

第一次聽亦都係第一次食，哈！原來用燒鴨都可以用來煮咖哩，好好味兼且又快脆有得食添！

主菜 B ~煙肉芝士焗龍蝦

一人有半隻，嘩！好香好好味呀！師傅今朝專登係筲箕灣街市度買架，好新鮮呀！

甜品 ~ 藍莓芝士凍餅 (雖然都有成日整，但係師傅的秘方兼親自下廚零舍好味架！)

師傅整的好滑好好味呀，我下次都要試下佢的食譜先得！不過我諗都要加上佢的技術至得！

最後就係我既獻醜作 ~ 蕃茄乾麵包

專誠做給師傅試下，等佢俾下意見！

享受完一頓豐富的午餐後，再吃我們買來的生果，有甜甜的西瓜、香香的芒果和清怡的火龍果！
跟著本來給小朋友玩玩的做曲奇環節，但最後都是由一班好媽媽親手做給小朋友吃，因為小朋友正忙著他們的遊戲，無暇理會我們呢！等待曲奇出爐的時候，師傅又親手示範茶道給我們看，真的大開眼界呀！香茶配上曲奇，絕配呀！