蕃薯豆沙煎軟餅

係 Sau媽媽 處見到呢個食譜就己經諗住一定要試整喇！因為糯米同豆沙都係我家先生喜愛的口味，所以一定要弄給他試試。

做法唔複雜，但係煎的時候要有耐性咁先會熟透兼唔會煎焦。熱辣辣食真係好好味呀 (弊！好熱氣添)，個皮食落煙韌軟熟又有蕃薯香味 (略為淡左少少)，餡的份量甜度又適中，真好食唔停口呀，Sau媽媽真係好介紹，多謝她的分享！

材料：
蕃薯茸 322g
木薯粉 25g
澄面粉 40g
糯米粉 200g
糖 15g

豆沙餡 12g - 15g @
黑芝麻 適量

做法：
1. 先將蕃薯去皮隔水蒸熟，用叉壓爛，加入砂糖、生粉、澄麵粉、糯米粉(留少許糯米粉作後備，以免粉糰過乾，因不同地區的地瓜吸水量未必相同)，搓揉成表面軟滑粉糰，亦可加一小匙沙拉油進去粉糰內搓揉，蓋上保鮮膜以保持濕潤。
2. 將粉糰分割成40g一份，包入豆沙餡，稍為壓平，黏上黑芝麻，然後放入不底鑊中用中慢火煎至軟身即可。