今日老公約左佢的表弟表妹來我地屋企開party，梗係唔少得整一大堆野食呢part啦。對於我，本來係一個好好的練習機會，但係好景不常，前日開始有少少作感冒，我己經定時定候食感冒藥，諗住冇事啦，點知又適逢公司勁多野做，係身心都疲勞的情況底下，今日真係唔係好掂，兩邊鼻子都塞左，又出唔到聲，平日狀態好的時候，整野食都叫還可以............但係今日咁的情況都預左麻麻，本來預左整兩個蛋糕，但係今日都淨係整左 Japanese Cheese Cake，仲要係咁多次以來最差的一次，點解.....個蛋糕面好似地震咁爆開曬，好彩味道都叫 ok。
本來又諗住整芝士波波，貪佢易整又快脆，點知去到尾聲先記得原來冇整到；本來鹹食方面都唔會太差，但係結果都係一樣，連焗雞扒同薯仔都焗極都唔熟、個煙肉露荀卷 d汁又較得太鹹.........唉，所以真係冇咩心機，好彩都仲有一班就算幾難食都會話好食同埋幫你食曬的一班好表弟妹.....唔，真係要多謝佢地，希望下次唔會令佢地失望啦...........^_^
不過好彩有奶奶整的咖喱魚蛋豬皮同埋豬扒，姑仔整的沙津都好好味，可以用來頂檔，咁先唔會咁慘咋........
No comments:
Post a Comment