普普通通的椰汁西米露

炎炎夏日差點會中暑的日子，冰凍的甜點永遠都好受歡迎。夏天的日子每次經過糖水舖，都會見到人頭湧湧，每人面前都有款冰凍甜品，真係望見心都涼呀，嘻嘻！

在家這款港式甜品一向都很受歡迎，無論食的又抑或是煮的，因為實在很容易又慳時間，若果屋企有材料，真係諗到幾時食就幾時食呀！

西米不需清洗，煲滾水，倒入西米，邊倒邊攪，滾起用中小火煮約10mins，中間要不時攪拌避免黏埋一起，熄火蓋上蓋焗至透明約15mins，倒出用凍滾水沖開。

椰汁加牛奶加糖用小火煮至糖溶，放入雪櫃雪至凍，吃時倒入西米和喜歡的水果或雪糕一齊食感覺仲冰涼呢！